[食譜] 五成熟肉眼牛扒 medium 伴薯牛油菇-- 大成功

建議到大型超市買冰鮮牛扒，大約＄100件扒，係落鹽同黑椒都可以好好食。用呢個方法就可以鎖住肉汁，外脆內淋，100%成功，正

食材

澳洲肉眼牛扒          1 塊

薯仔 1                     個

    菇                          1/2 包

調味料

海鹽 sea salt 適量 克

黑椒 pepper 適量

迷矢香 Rosemary 適量

牛油 butter 適量

牛脂肪 適量

A.香煎薯塊

 1. 首先清洗薯仔，切塊。 

2. 大火燒熱鑊落油，之後落薯仔。

 3. 轉中火，將薯仔煎至金黃色，然後落少量鹽及香草，再煎片刻，上碟。

 B. 牛油炒菇 

1. 將成束菇的根部切除，清洗。

 2. 大火燒熱鑊落牛油，再落菇。

 3. 炒的過程會大量出水，將水倒走更香口。

 4. 加入少量鹽，炒至收水即成。

 C. 肉眼扒 (約230克，1.5吋厚) 

1. 烹調之前，將冰鮮牛扒置於室溫中，起碼兩小時。(急凍牛扒必須在烹調之前一日，至於雪櫃冷藏格一日，自然解凍) 

2. 用廚房紙將牛扒抹乾，然後平均每面灑上少量海鹽。(千萬不可以醃牛扒，應在煎前若干分鐘內落海鹽)

 3. 用大火燒熱平底鑊至出白煙，加入牛脂肪及少量油，繼續大火燒至出煙狀態。

 4. 落牛扒，每面煎20秒,重複煎四分鐘。

 5. 香草及黑椒應在第三分鐘時落，以防燶底。 

6. 用錫紙將煎好的牛扒包起，放置五分鐘後即可享用。

小貼士

買牛扒時，可以向職員索取牛脂肪。用牛脂肪更香。呢個煎牛扒嘅方法，新手都啱用架，百分百成功

[食譜] 燒春雞伴雜菜

食材

燒春雞       2 隻

蕃茄          數個

紅蘿蔔          數塊

蒜頭            1 個

調味料

黑椒           適量

迷矢香            適量

檸檬          1 個

海鹽         適量

蜜糖          適量

牛油          適量

步驟 1
雞洗淨後，用廚房紙抹乾。雞腔內灑上1/2茶匙鹽、適量牛油、迷矢香碎、蜜糖和檸檬汁、榨汁後的半隻青檸和蒜，用牙籤封口。 雞皮下和雞皮表面，同樣用調味料搽勻。 醃至少半個鐘。

步驟 2
焗爐預熱250 ℃。 燒烤盤鋪上錫紙，倒入少量橄欖油。將配菜切丁，蒜頭切半。然後置於燒烤盤過，灑上適量黑椒及海鹽。

步驟 3
避免燒燶，可以用錫紙包雞翼尖。雞胸向上，放於焗盆內。

步驟 4
放入已預熱的焗爐內，200 ℃焗50分鐘即成

小貼士
底部雜菜可加入薯仔等

【食譜】青紅蘿蔔栗子豬骨湯

主要食材:

青蘿蔔 1 條

豬湯骨

紅蘿蔔 2 條

粟米 2條

栗子 數粒

調味料:

鹽 適量

步驟 :

1. 將紅蘿蔔青蘿蔔批皮，粟米斬件，備用。

2. 豬骨清洗之後，煲滾一鍋水，將豬骨出水，撈起。 

3. (如果唔怕肥，又想個湯香啲，可以做埋呢個步驟) 大火燒熱鑊加少量油，將出完水的豬骨爆一爆。 

4. 煲滾一鍋水，加入豬骨、粟子。大火煲滾轉細火。 

5. 煲大約半個鐘，轉大火，再加入青紅蘿蔔及粟米。煲滾轉細火煲多兩個鐘，即成。

小貼士

煲完湯渣都可以食埋，夠甜。

如果貪方便可以到超市買現成湯料包(唔包豬骨個隻)，當然到街市買可以平好多同新鮮好多。

【食譜】腸仔包

材 料

發 酵 材 料

乾 酵 母  6 g

溫 水 100ml

麵 糰

高筋麵粉  150g

奶粉          5g

砂糖          30g

鹽                  2g

雞蛋         ½隻

牛油(溫室) 8g

掃面材料

雞蛋 ½隻

砂糖 1茶匙

熱水 1茶匙

芝麻           少許

廚師腸 5條 （切 半）

預 熱 焗 爐 160 °C

步驟：
1. 將 酵 母 溶 於 60‘C 溫 水 中，靜 止 10 分 鐘 備 用。
2. 將 麵 糰 材 料 (牛 油 除 外)  拌 勻，加 入 酵 母 水 ，用 手 搓 成 粉 糰；移送到搓麵檯上搓至光滑；然 後 加 入 牛 油，繼 續  搓；直 至 麵 糰 能 拉 出 薄 膜 時 即 成。
3.推 圓 粉 糰，收 口 向 下，放 在 塗 上 一 層 的 牛 油 的 盆 中；置 於 溫 度 較 高 的 環 境 更 有 助 發酵

4.  預 備 掃 面 材 料，將 砂 糖 及熱 水 開 勻，再 加 入 半隻 雞 蛋 拌 勻。

5. 發 酵 至 比 原 來 大 兩 倍 的 麵 糰 即 可，取 出 並 用 手 輕 按 麵 團 排 出 空 氣；

6. 將 麵 團 平 均 分 成 10 份。推 圓 麵 糰，收 口 向 下 ，蓋 上 保 鮮 膜，鬆 弛 15 分 鐘。

7. 將 麵 糰 搓 成 長 條 形，沿 著 腸 仔 的 一 端 開 始 捲，收 口 向 下。掃 上 蛋 漿，灑 上 芝 麻。

8. 放 入 已 預 熱 焗 爐 ，以  160°C 先 焗 10 分 鐘，取 出 再 塗 一 次 蛋 漿，再 焗  10  分 鐘 至金 黃 色，即成。